"Shaxtyor" va "Dinamo" jamoalari o‘rtasidagi ikkinchi o‘yinda ham jangovar durang qayd etildi. Zagrebda bo‘lib o‘tgan bu galgi o‘yinda dramatik ko‘rinish oldi.

Hisobni ochish doneskliklarga nasib etdi. Bahsning 13-daqiqada Alan Patrik darvozani ishg‘ol qilgan bo‘lsa, oradan ko‘p o‘tmasdan Petkovich muvozanatni tikladi.

Voqealarning keskin rivoji esa so‘nggi daqiqalarda ro‘y berdi. O‘yin tugashiga 10 daqiqa qolganida xorvatiyaliklar ikkita gol urib, go‘yoki o‘yin taqdirini hal qilib qo‘yishgandek edi. Ikkinchi taymga qo‘shib berilgan 5 daqiqa 10 daqiqaga aylanib ketdi. Boisi, 93-daqiqada "Shaxtyor" hisobni bittaga qisqartirishdi. 95-daqiqada esa mehmonlar penalti ishlashdi. Vaziyatni VAR yordamida ko‘rib chiqishga bir necha daqiqa sarf bo‘ldi. Belgilangan penaltini Tete aniq amalga oshirib, hisobni tenglashtirdi.

Mazkur durang tufayli har ikkala jamoa hisobidagi ochkolar 5taga yetdi.

Yevropa chempionlar ligasi, 4-tur.
"C" guruhi
Dinamo Zagreb Xorvatiya – Shaxtyor Ukraina 3:3 (1:1, 2:2)
Gollar: 0:1 – 13 Alan Patrik, 1:1 – 25 Petkovich, 2:1 – 83 Ivanushes, 3:1 – 89 Ademi, 3:2 – 90+3 Morayes, 3:3 – 90+7, penalti Tete.
Dinamo Zagreb – Livakovich, Teofil-Katrin, Dilaver, Perich, Stoyanovich (Ivanushes, 72), Olmo, Moro, Ademi, Leovas, Petkovich (Kondzer, 90), Orshich (Djira, 77).
Shaxtyor – Pyatov, Dodo, Krivsov, Matviyenko (Dentinyo, 86), Ismaili, Alan Patrik (Tete, 84), Stepanenko (Markos Antonio, 90), Marlos, Kovalenko, Tayson, Morayes.
Ogohlantirishlar: Dilaver (34), Moro (41), Marlos (73), Ademi (90), Teofil-Katrin (90).
Chetlatishlar: Moro (74), Marlos (79).