"Шахтёр" ва "Динамо" жамоалари ўртасидаги иккинчи ўйинда ҳам жанговар дуранг қайд этилди. Загребда бўлиб ўтган бу галги ўйинда драматик кўриниш олди.

Ҳисобни очиш донецкликларга насиб этди. Баҳснинг 13-дақиқада Алан Патрик дарвозани ишғол қилган бўлса, орадан кўп ўтмасдан Петкович мувозанатни тиклади.

Воқеаларнинг кескин ривожи эса сўнгги дақиқаларда рўй берди. Ўйин тугашига 10 дақиқа қолганида хорватияликлар иккита гол уриб, гўёки ўйин тақдирини ҳал қилиб қўйишгандек эди. Иккинчи таймга қўшиб берилган 5 дақиқа 10 дақиқага айланиб кетди. Боиси, 93-дақиқада "Шахтёр" ҳисобни биттага қисқартиришди. 95-дақиқада эса меҳмонлар пенальти ишлашди. Вазиятни VAR ёрдамида кўриб чиқишга бир неча дақиқа сарф бўлди. Белгиланган пенальтини Тете аниқ амалга ошириб, ҳисобни тенглаштирди.

Мазкур дуранг туфайли ҳар иккала жамоа ҳисобидаги очколар 5тага етди.

Европа чемпионлар лигаси, 4-тур.
"C" гуруҳи
Динамо Загреб Хорватия – Шахтёр Украина 3:3 (1:1, 2:2)
Голлар: 0:1 – 13 Алан Патрик, 1:1 – 25 Петкович, 2:1 – 83 Иванушец, 3:1 – 89 Адеми, 3:2 – 90+3 Мораес, 3:3 – 90+7, пенальти Тете.
Динамо Загреб – Ливакович, Теофиль-Катрин, Дилавер, Перич, Стоянович (Иванушец, 72), Ольмо, Моро, Адеми, Леовац, Петкович (Кондзер, 90), Оршич (Джира, 77).
Шахтёр – Пятов, Додо, Кривцов, Матвиенко (Дентиньо, 86), Исмаили, Алан Патрик (Тете, 84), Степаненко (Маркос Антонио, 90), Марлос, Коваленко, Тайсон, Мораес.
Огоҳлантиришлар: Дилавер (34), Моро (41), Марлос (73), Адеми (90), Теофиль-Катрин (90).
Четлатишлар: Моро (74), Марлос (79).