Madridning «Real» klubi bosh murabbiyi Zinedin Zidanning fikricha, Karim Benzema Fransiya terma jamoasida o‘ynashi kerak.
— U doim terma jamoadan chaqiruv bo‘lishini kutadi va terma jamoa tarkibida o‘ynashni xohlaydi. Terma jamoam ichida nima ro‘y berganini bilmayman, biroq mendan so‘rasangiz, Karimning shunchaki zo‘r hujumchi ekanligini aytaman. Shu bois, u terma jamoa safida bo‘lishi kerak, — Zidanning so‘zlaridan iqtibos keltirmoqda France Football.
Eslatib o‘tamiz, 2015 yildan beri Benzema Fransiya terma jamoasiga chaqirilmaydi. Bunga sabab qilib esa Matye Valbuena bilan o‘rtada kelib chiqqan nizo ko‘rsatiladi.