Мадриднинг «Реал» клуби бош мураббийи Зинедин Зиданнинг фикрича, Карим Бензема Франция терма жамоасида ўйнаши керак.
— У доим терма жамоадан чақирув бўлишини кутади ва терма жамоа таркибида ўйнашни хоҳлайди. Терма жамоам ичида нима рўй берганини билмайман, бироқ мендан сўрасангиз, Каримнинг шунчаки зўр ҳужумчи эканлигини айтаман. Шу боис, у терма жамоа сафида бўлиши керак, — Зиданнинг сўзларидан иқтибос келтирмоқда France Football.
Эслатиб ўтамиз, 2015 йилдан бери Бензема Франция терма жамоасига чақирилмайди. Бунга сабаб қилиб эса Матье Вальбуэна билан ўртада келиб чиққан низо кўрсатилади.