BAAning Dubay shahrida davom etayotgan para-atletika bo‘yicha jahon chempionatida O‘zbekiston terma jamoasi vakillarining muvaffaqiyatli ishtiroki davom etadi. Bugun erta tongda o‘tkazilgan ayollar o‘rtasida nayza uloqtirish bahsi yurtdoshlarimiz uchun omadli o‘tdi.
F13 klassifikasiyasida ishtirok etgan Rio Paralimpiadasi chempioni Nozimaxon Qayumova bu gal bronza medalini qo‘lga kiritdi. Yurtdoshimiz musobaqada 38.86 metr natija qayd etib, uchinchi o‘rin bilan kifoyalandi. Asosiysi bu natija Qayumovaga kelasi yil Tokioda bo‘ladigan yana bir Paralimpiya o‘yinlarida ishtirok etish va chempionlikni himoya qilish imkoniyatin taqdim etdi.
Ma’lumot uchun, bu terma jamoamiz uchun Paralimpiya o‘yinlariga qo‘lga kiritilgan o‘n ikkinchi yo‘llanma bo‘ldi.
