Myunxenning «Bavariya» klubi prezidenti Uli Xeness jamoani tark etgan Niko Kovach haqida fikr bildirdi.
Klub prezidenti jamoa futbolchilari Kovachning ishidan norozi bo‘lganliklarini tan oldi.
«Albatta, jamoada Kovachning iste’fosini talab qilgan futbolchilar ham bo‘ldi. Shuning uchun, jamoa rahbariyati bunga munosabat bildirdi», - Xenessning gaplaridan iqtibos keltirmoqda ZDF.
Shuningdek, «Bavariya» prezidenti bosh murabbiy masalasi ham tez fursatlar ichida hal bo‘lib qolishini aytib o‘tdi.
«Yaqin bir necha haftada bo‘ladigan muzokaralardan avval biz albatta vaqtincha bosh murabbiy Xansi Flik bilan maslahatlashamiz. Bir narsa aniq: so‘nggi ikki uchrashuvdagi ajoyib g‘alabalardan keyin Flik bilan xayrlashasizmi deb ayta olmaysiz», - dedi Xeness.
