Мюнхеннинг «Бавария» клуби президенти Ули Хенесс жамоани тарк этган Нико Ковач ҳақида фикр билдирди.
Клуб президенти жамоа футболчилари Ковачнинг ишидан норози бўлганликларини тан олди.
«Албатта, жамоада Ковачнинг истеъфосини талаб қилган футболчилар ҳам бўлди. Шунинг учун, жамоа раҳбарияти бунга муносабат билдирди», - Хенесснинг гапларидан иқтибос келтирмоқда ZDF.
Шунингдек, «Бавария» президенти бош мураббий масаласи ҳам тез фурсатлар ичида ҳал бўлиб қолишини айтиб ўтди.
«Яқин бир неча ҳафтада бўладиган музокаралардан аввал биз албатта вақтинча бош мураббий Ханси Флик билан маслаҳатлашамиз. Бир нарса аниқ: сўнгги икки учрашувдаги ажойиб ғалабалардан кейин Флик билан хайрлашасизми деб айта олмайсиз», - деди Хенесс.