8-10 noyabr kunlari Peru poytaxti Lima shahrida og‘ir atletika bo‘yicha Gran-pri musobaqasi bo‘lib o‘tdi.
Ushbu musobaqada Xalqaro og‘ir atletika federasiyasining maxsus taklifnomasi asosida dunyoning eng sara atletlari bahs olib bordilar.
Turnir davomida 3 nafar sportchimiz: Adhamjon Ergashev (-67 kg), Muattar Nabiyeva (-55 kg) va Doston Yoqubov (-73 kg) mamlakatimiz sharafini himoya qilib, jami 1 ta oltin, 3 ta kumush va 4 ta bronza medallarini qo‘lga kiritishdi.