Toshkentning "Humo" jamoasi o‘z maydonida Xitoyning "OERJI" klubini qabul qildi va 5:2 hisobidagi yirik g‘alabani qo‘lga kiritdi.
Semyon Valuyskiy, Igor Merejko, Mixail Anisin, Yevgeniy Grigorenko hamda Artem Voroninlar tomonidan kiritilgan shaybalarga mehmonlar safida Robert Shi va Xuan Penlar javob qaytardi xolos.
Shu tariqa, Yevgeniy Popixin shogirdlari o‘zlarining 3 ta o‘yinlik g‘alabasiz seriyasiga barham berishdi. Ma’lumot uchun, toshkenliklar o‘zlarining navbatdagi bahsini 17 noyabr kuni Xitoyning "KRS-BSU" jamoasiga qarshi o‘tkazadi.
Mazkur bellashuv poytaxtimizdagi "Humo-Arena" muz saroyida soat 17:00 da start oladi.