Angliya OAV tarqatgan ma’lumotlarga qaraganda, Dortmundning «Borussiya» klubi futbolchisi Jeydon Sancho «Manchester Yunayted» klubiga o‘tishni istamayapti.
Avvalroq «qizil iblislar» 19 yoshli futbolchiga 100 million yevrodan ziyodroq mablag‘dan voz kechishga tayyor ekanliklari haqida xabarlar tarqalgandi.
Biroq, futbolchining o‘zi «Real» yoki «Barselona» klublarida o‘ynashni xohlamoqda va Angliyaga qaytishni rejalashtirmayapti.
So‘nggi paytlarda Sancho asosiy tarkibdagi o‘rnini yo‘qotib qo‘ydi va bosh murabbiy bilan munosabatlarini yomonlashtirdi.
Sancho «Borussiya» klubiga 2017 yili «Manchester Siti» klubidan o‘tgan edi.