«Atletiko» hujumchisi Xulian Alvares yozda «Barselona»ga o‘tishi mumkinligi haqidagi xabarlarga javob qaytardi.

«Men aytilayotgan gaplarga e’tibor bermaslikka harakat qilaman. Har hafta yangi ma’lumotlar paydo bo‘lmoqda. Bunga energiya sarflamasdan, bor e’tiborimni ishimga qaratishga intilyapman. Hozir mavsumning eng muhim pallasi va men jamoamga yordam berish uchun yaxshi holatda bo‘lishni istayman. Har bir yangilikni chiqib rad etish yoki izohlab berish imkoniyatiga ega emasman», — deya Alvaresning so‘zlarini keltiradi AS nashri.

Chorshanba kuni, 29 aprel kuni «Atletiko» Chempionlar ligasi yarim finali doirasida «Arsenal»ga qarshi maydonga tushadi. Madriddagi bahs Toshkent vaqti bilan tungi soat 00:00 da (chorshanbadan payshanbaga o‘tar kechasi) boshlanadi.