«Атлетико» ҳужумчиси Хулиан Альварес ёзда «Барселона»га ўтиши мумкинлиги ҳақидаги хабарларга жавоб қайтарди.
«Мен айтилаётган гапларга эътибор бермасликка ҳаракат қиламан. Ҳар ҳафта янги маълумотлар пайдо бўлмоқда. Бунга энергия сарфламасдан, бор эътиборимни ишимга қаратишга интиляпман. Ҳозир мавсумнинг энг муҳим палласи ва мен жамоамга ёрдам бериш учун яхши ҳолатда бўлишни истайман. Ҳар бир янгиликни чиқиб рад этиш ёки изоҳлаб бериш имкониятига эга эмасман», — дея Альвареснинг сўзларини келтиради AS нашри.
Чоршанба куни, 29 апрель куни «Атлетико» Чемпионлар лигаси ярим финали доирасида «Арсенал»га қарши майдонга тушади. Мадриддаги баҳс Тошкент вақти билан тунги соат 00:00 да (чоршанбадан пайшанбага ўтар кечаси) бошланади.
