Angliya premyer-ligasining 14-turi doirasida «Tottenxem» o‘z maydonida «Bornmut»ni qabul qilib, 3 ochkoni qo‘lga kiritdi.
"Shporlar" yarim himoyachisi Dele Alli birinchi bo‘lim o‘rtalarida hisobni ochgan bo‘lsa, ikkinchi bo‘lim boshida uning o‘zi farqni ikkitaga oshirdi. 69-daqiqaga kelib Sissoko "Tottenxem"ning uchinchi golini raqib darvozasiga urdi.
Qolgan daqiqalarda esa "Bornmut" yarim himoyachisi Xarri Uilson londonliklar darvozasiga ikkita to‘p yo‘lladi. Ammo bu ularga mag‘lubiyatdan qutulib qolish uchun yetarli bo‘lmadi.
Shu tariqa, Joze Mourinyo "Tottenxem"ni qabul qilib olganidan keyin ketma-ket 3ta o‘yinda g‘alaba qozonishga muvaffaq bo‘ldi.
Angliya chempionati, 14-tur
Tottenxem – Bornmut 3:2 (1:0, 2:2)
Gollar: 1:0 – 21 Alli, 2:0 – 50 Alli, 3:0 – 69 Sissoko, 3:1 – 73 Uilson, 3:2 – 90 Uilson.
Tottenxem – Gassaniga, Vertongen, Sanches, Alderveyreld, OrYE, Dayer, Sissoko, Ndombele (Lukas Moura, 74), Alli (Uinks, 90), Son Xeung Min (Lo Chelso, 88), Keyn.
Bornmut – Remsdeyl, Riko, Kuk, Ake, Steysi, Freyzer (Uilson, 63), Lerma, Kuk (Gosling, 74), Danjuma, Solanke, Uilson.
Ogohlantirishlar: Riko (67), Lerma (90).