Toshkentning "Lokomotiv" klubiga kelib qo‘shilgan Shahzod Shaymanov sobiq jamoasi "Navbahor"ga minnatdorchilik bildirdi.
«Navbahor»da o‘tkazgan davrimga achinmayman. Aksincha futboldan rohatlandim, atmosferani ko‘rib zavqlandim. Viloyat hokimi Xayrulla Bozorov futbolni juda yaxshi ko‘radi va yaxshi tushunadi. Shunday tarzda ishlar olib borilsa, «lochinlar» albatta OCHLga chiqadi.
Stadiondagi muhit esa shunchaki super. Ta’rifga til ojiz. Muxlislari O‘zbekistonda yagona. Har bir o‘yinga o‘zgacha tayyorgarlik ko‘rishadi va ajoyib tarzda qo‘llab-quvvatlab turishadi.
Men rahbariyat bilan kelishgan holda, jamoa bilan xayrlashdim. Otabek va Oybek Samatovlarga o‘z minnatdorchiligimni bildirib o‘tmoqchiman. Qilayotgan ishlarini ijobiy baholasa bo‘ladi. Kanchelskis ham ushbu rahbariyat bilan kelishgan holda ishlasa, albatta ko‘zlangan maqsadga erishadi. Andrey tajribali va ajoyib mutaxassis. «Navbahor»ni OCHLga olib chiqishiga ishonaman. Xudo xohlasa Namanganga yana qaytaman. Oldin ochilmagan qirralarimni keyingi safar ochaman. Namangan meni yuragimda qoldi.
