"Barselona" jamoasida bosh murabbiy Xans-Diter Flikning ishlash tamoyillari barchaga ham birdek ma’qul kelmayapti.
Ayrim futbolchilar nemis mutaxassisining o‘yinlar oldidan mehmonxonada bo‘lish majburiyati haqidagi qat’iy qoidasidan norozilik bildirishgan. Jurnalist Xavi Ernandes Navarroning xabar berishicha, jamoada o‘yinlar oldidan mehmonxonada uzoq vaqt qolish jismoniy holatga salbiy ta’sir ko‘rsatadi, shuningdek, tig‘iz taqvim sharoitida oiladan uzoqda yanada ko‘proq vaqt o‘tkazishga majbur qiladi, deb hisoblashmoqda.
Biroq Flik o‘z usullariga ishonadi va o‘zi belgilagan tartibdan voz kechish niyatida emas.
Shanba kuni "Barselona" Ispaniya chempionati doirasida o‘z maydonida "Alaves"ni qabul qiladi.
