Germaniya chempionatining 21-turi doirasida bo‘lib o‘tgan «Bayer» - «Borussiya Dortmund» uchrashuvida muxlislar 7ta golga guvoh bo‘lishdi.

Mezbonlar 20-daqiqada Follandning goli evaziga hisobni ochishdi. Keyin esa dortmundliklar hisobda oldinda borishdi — 1:2, 2:3. O‘yin tugashiga 10 daqiqa qolganida esa "Bayer" ikkita gol urib, g‘alabani ilib ketdi.

"Borussiya" safidagi dastlabki 4ta o‘yinda 8ta gol urgan Xoland bu safar 90 daqiqa o‘ynaganiga qaramay raqib darvozasiga yo‘l topa olmadi.

"Bayer" o‘z ochkolarini 37taga yetkazib, jadvalda 5-o‘ringa ko‘tarilib oldi.

Bundesliga, 21-tur
Bayer – Borussiya D 4:3 (2:2, 2:1)
Gollar: 1:0 – 20 Folland, 1:1 – 22 Xummels, 1:2 – 33 Emre Jan, 2:2 – 43 Folland, 2:3 – 64 Gerreyru, 3:3 – 81 Beyli, 4:3 – 82 Bender.
Bayer – Gradeski, Ta, Bender, Tapsoba, Belarabi (Vayzer, 46), Amiri (Dragovich, 89), Bender, Sinkgraven, Xaverts, Diabi (Beyli, 71), Folland.
Borussiya D – Byurki, Akandji (Azar, 86), Xummels, Zagadu, Gerreyru, Vitsel, Emre Jan (Getse, 87), Xakimi, Brandt (Reyna, 46), Sancho, Xoland.
Ogohlantirishlar: Bender (35), Gerreyru (39), Folland (66).