"Atalanta" bosh murabbiyi Jan Pyero Gasperini Chempionlar ligasi 1/8 finalida "Valensiya"ga qarshi bo‘lib o‘tadigan o‘yin haqida o‘z fikrlari bilan o‘rtoqlashdi.
"Chempionlar ligasi har doim o‘zgacha hissiyotlarni uyg‘otadi va biz eng yaxshi futbolimizni namoyish etishimiz kerak.
Hozir bizda ajoyib o‘yin o‘tkazish uchun hamma narsa bor. Hozirgi holatimizni saqlab qolish va eyforiyaga berilmaslik kerak.
Unutmang, "Valensiya" safarda "Ayaks" va "Chelsi"ni mag‘lub etdi. Bu haqiqatan ham xavfli raqib, lekin biz o‘z o‘yinimizga e’tibor qaratishimiz kerak.
Bizda kasallar va jarohatlanganlar yo‘q va hamma o‘yinni intizorlik bilan kutmoqda ”, dedi Gasperini.
