“Real Madrid” bosh murabbiyi Zayniddin Zidan “La Liga” doirasidagi “Barselona”ga qarshi kechgan (2:0) uchrashuv haqidagi fikr va mulohazalari bilan o‘rtoqlashib o‘tdi.
Ajoyib hislar. Birinchi bo‘limda biroz qiynaldik. Bunday katta o‘yinlarda bu normal xolat. Ikkinchi bo‘limda hujumda ishlarimiz yurisha bolshladi.
Eng quvonarlisi shundaki, biz juda yaxshi pressing uyushtirdik. “Barselona” singari jamoalarga qarshi aynan kuchli pressing orqaligina g‘alaba qozonish mumkin. Agar, “Barselona”ga o‘ynash uchun imkoniyat yaratib bersang, 90 daqiqa to‘pning ortidan yugurishga to‘g‘ri keladi. Bu esa, o‘yinga tuzilgan rejalarning barbord bo‘lishi bilan yakunlangan bo‘lar edi.
Bugungi o‘yini bilan Vinisius o‘zi uchun muhim golni kiritishga to‘liq munosib edi. Shuningdek, Mariano uchun ham xursandman. U so‘nggi paytlarda o‘yin amaliyotisiz qolib ketgani bois, bugungi uchrashuvda katta bosim ostida qolgan edi. Shunga qaramay, bugun u maydonda bor imkoniyatlarini ishga soldi.
