Ispaniya La Ligasi rahbariyati Xitoyning Uxan shahriga besh tonna dezinfisiyalovchi gel yordam qiladi va shu tariqa koronavirusga qarshi kurash olib boradi. Bu haqda La Liganing biznesni rivojlantirish bo‘limi boshlig‘i Oskar Mayo xabar bermoqda.
"Ushbu rasmiy ishora bilan biz Xitoy halqini, ayniqsa Uxan shahridagi halqni qo‘llab-quvvatlamoqchimiz. Shuningdek, koronavirusdan jabr chekayotgan boshqa davlatlarga ham yordam qo‘lini cho‘zamiz", - dedi Mayo ESPN bilan suhbatda.
Bu koronavirusdan jabr chekayotganlarni qo‘llab-quvvatlovchi birinchi aksiya emas. Fevral oyida La Liga rahbariyati Xitoyga 45 ming dona himoya niqobini yuborgandi.