Испания Ла Лигаси раҳбарияти Хитойнинг Ухань шаҳрига беш тонна дезинфицияловчи гель ёрдам қилади ва шу тариқа коронавирусга қарши кураш олиб боради. Бу ҳақда Ла Лиганинг бизнесни ривожлантириш бўлими бошлиғи Оскар Майо хабар бермоқда.
"Ушбу расмий ишора билан биз Хитой ҳалқини, айниқса Ухань шаҳридаги ҳалқни қўллаб-қувватламоқчимиз. Шунингдек, коронавирусдан жабр чекаётган бошқа давлатларга ҳам ёрдам қўлини чўзамиз", - деди Майо ESPN билан суҳбатда.
Бу коронавирусдан жабр чекаётганларни қўллаб-қувватловчи биринчи акция эмас. Феврал ойида Ла Лига раҳбарияти Хитойга 45 минг дона ҳимоя ниқобини юборганди.