«Real Sosyedad» bosh murabbiyi Imanol Algvasil La liganing 27-turidan o‘rin olgan «Barselona»ga qarshi o‘yin oldidan o‘z fikrlari bilan o‘rtoqlashdi. Basklar so‘nggi marta bundan 25 yil avval «Kamp Nou»da ochko qo‘lga kiritishgan edi.

«Kamp Nou»da ochko qo‘lga kiritish qiyin bo‘ladi. Agar oradan shuncha yil o‘tgan bo‘lsa, demak, "Barsa" maydonida muvaffaqiyatga erishish oson emas. Lekin o‘tgan mavsumda bu yerda ochko olishga yaqin kelgan edik. Raqib kuchini bilamiz, ammo bizning hozirgi formamizni inobatga olganda, kamida bir ochko bilan qaytishimizga ishonamiz.

Messini to‘xtatib qolishning imkoni yo‘q. Ko‘p murabbiylar bunga urinib ko‘rishgan, ammo buning iloji yo‘q. Messidan tashqari ularning safida Grizmann ham bor. U bizning rejalarimizni buzib qo‘yishi mumkin. U bo‘lmasa, Ansu Fati yoki «Barselona» safidagi boshqa o‘yinchi bunga qodir.

Keling ko‘ramiz, so‘nggi ikki yilda bo‘lgani kabi Messining harakatlarini cheklay olamizmi yoki yo‘qmi? Agar buni uddalasak, ijobiy natijaga erishishga yaqin kelamiz", — dedi Imanol Algvasil.