«Реал Сосьедад» бош мураббийи Иманол Альгвасил Ла лиганинг 27-туридан ўрин олган «Барселона»га қарши ўйин олдидан ўз фикрлари билан ўртоқлашди. Басклар сўнгги марта бундан 25 йил аввал «Камп Ноу»да очко қўлга киритишган эди.

«Камп Ноу»да очко қўлга киритиш қийин бўлади. Агар орадан шунча йил ўтган бўлса, демак, "Барса" майдонида муваффақиятга эришиш осон эмас. Лекин ўтган мавсумда бу ерда очко олишга яқин келган эдик. Рақиб кучини биламиз, аммо бизнинг ҳозирги формамизни инобатга олганда, камида бир очко билан қайтишимизга ишонамиз.

Мессини тўхтатиб қолишнинг имкони йўқ. Кўп мураббийлар бунга уриниб кўришган, аммо бунинг иложи йўқ. Мессидан ташқари уларнинг сафида Гризманн ҳам бор. У бизнинг режаларимизни бузиб қўйиши мумкин. У бўлмаса, Ансу Фати ёки «Барселона» сафидаги бошқа ўйинчи бунга қодир.

Келинг кўрамиз, сўнгги икки йилда бўлгани каби Мессининг ҳаракатларини чеклай оламизми ёки йўқми? Агар буни уддаласак, ижобий натижага эришишга яқин келамиз", — деди Иманол Альгвасил.