“Tottenhem” klubi bosh murabbiyi Joze Mourinmo “RB Leypsig”ga qarshi javob uchrashuvidan (3:0) so‘ng, o‘z fikr va mulohazalari bilan o‘rtoqlashib o‘tdi.

"Kecha kayfiyatim juda yaxshi edi. Uchrashuv davomida ham o‘zimni shunday tutishim kerak edi. Biz barchamiz ishongan edik. Bu juda qiyin. Boz ustiga, raqibimiz ham juda kuchli edi. O‘yindagi ilk xatolarimizdayoq raqiblar gol yaratishdi va keyin o‘yin juda ham og‘ir kechdi.

Jismonan ular bugungi uchrashuvda yaxshiroq formada edi. Bundan tashqari, raqib maydon markazdagi mobillik va hujumdagi tezlik evaziga ham natija ko‘rsatdi deb hisoblayman.

Eng qizig‘i shundaki, biz bugun ham o‘tgan uchrashuvda yo‘l qo‘ygan xatolarimizni takrorladik. Vaholanki, birinchi uchrashuvdan so‘ng barchasini qayta ko‘rib chiqqan edik. Ba’zan sen shunchaki bundan ortig‘ini amalga oshira olmasligingni his etasan. Men o‘z yigitlarimdan ham bundan ortig‘ini talab qila olmayman.

Ba’zan shunday xodisalar ro‘y beradiki, ular bizni kelajakda yanada kuchliroq bo‘lishga undaydi. Hech kimni ayblamoqchi emasman. Ayniqsa, har bir uchrashuvda kamida bir oyga safdan chiqish bilan yakunlanayotgan jarohatlar zanjiriga ilakishib qolgan chog‘imizda aybdor qidirishning hojati yo‘q. Afsuski, bu mavsum shunday ko‘rinish oldi. O‘zi shundoq ham mavsum muammolar bilan boshlandi va u “dahshatli” jarohatlarga ulanib ketdi. Hammasi Ugoning birinchi jarohat olishidan boshlangan edi aslida. Bugungi uchrashuvdan so‘ng futbolchilarimni ayblamoqchi emasman. Ular qo‘llaridan kelgan barcha ishni qilishdi.

Biz bu uchrashuvga o‘z rejalarimiz bilan tashrif buyurgan edik. O‘yin boshlanishiga ikki soat qolganida esa Sanchesning jarohati haqidagi xabarni eshitdik. O‘ylashimcha, hech kim bunday vaziyatda “turib bera olmas” edi", — dedi Mourinyo.