Angliyaning «Liverpul» klubi bosh murabbiyi Yurgen Klopp muxlislarga qilgan murojaatida, koronavirus sababli, chempionat o‘yinlarini to‘xtatish to‘g‘ri qaror bo‘lganini bildirdi.
«Tushunaman, muxlislar o‘z kumirlarini ko‘rishni va ularning o‘yinlaridan zavq olishni xohlaydi, ammo biz hozir bir-birimizni himoya qilishimiz kerak. Futbol sport turlari orasida eng ko‘p muxlis yig‘adigan sport turi hisoblanadi deb bir necha marotaba aytganman. Hozir qaltis vaziyat, stadionga ko‘plab muxlislar tashrif buyurishini hisobga oladigan bo‘lsak, kasallik tez tarqab ketish ehtimoli yuqori.
Hozir ushbu kasallikdan qochishning eng ma’qul yo‘li - uyda o‘tirish.
«Liverpul» bo‘sh tribunalarda o‘ynashni xohlamaydi va aynan bizning o‘yinlarimizga tashrif buyurgan muxlislar kasallanishini istamaymiz», — dedi Klopp.
