Italiyaning "Milan" klubi futbolchisi Ismoil Bennosir koronavirus sababli to‘xtatilgan chempionat yana qayta tiklanishiga umid qilmoqda.
«Sport formamni qo‘ldan kelgancha saqlab turishga harakat qilyapman. uyda mashq qilishga va o‘zimning jismoniy holatimga e’tibor berishga harakat qilyapman.
Agar imkonim tug‘ilib qolsa, bir kunda ikki yoki uch marta ham mashg‘ulot o‘tkazyapman. Shubhasiz, o‘yinlarni juda sog‘indim. A Seriya o‘yinlariga qaytib keladigan vaziyatimiz juda ajoyib bo‘ladi deb o‘ylayapman. Men yana ajoyib muxlislarimiz ko‘z o‘ngida maydonga tushishni xohlayapman», — dedi Ismoil Bennosir.
