UYEFA tashkiloti Yevropa milliy chemionatlarida mavsumni avgust oyida yakunlamoqchi va kelasi mavsum vaqtini qisqartirish istagida.
The Times nashrining xabar qilishicha, UYEFA favqulodda vaziyatlar bo‘yicha ishchi guruh tashkil qilgan. Ushbu guruh koronavirus pandemiyasi vaqtida taqvimni o‘zgartirish va uni vaziyatga moslash bilan shug‘ullanmoqda. Ligalarni avgust oyida yakunlash pandemiya ta’sirini minimallashtirishi taxmin qilinmoqda.
Eslatib o‘tamiz, Yevropaning deyarli barcha chempionatlari koronavirus sabab to‘xtab qolgan.
