Bugun Tojikiston superkubogi bahsi bilan yangi mavsumga start berildi. Mamlakatning amaldagi chempioni «Istiqlol» o‘tgan mavsumda kumush medalni qo‘lga kiritgan «Xo‘jand»ga qarshi bahs olib bordi.

Bahsning 2-daqiqasidayoq o‘zbekistonlik hujumchi Sanjar Rixsiboyevning goli evaziga xo‘jandliklar hisobni ochishdi. Ma’lumot o‘rnida: "Xo‘jand" safida Rixsiboyevdan tashqari, darvozabon Ma’mur Ikromov va yarim himoyachi Siroj Hamroyev o‘yinni asosiy tarkibda boshlagan bo‘lsa, Andrey Sidorov uchrashuv so‘ngida zaxiradan maydonga tushdi.

Xo‘jandliklar o‘yinning 78-daqiqasigacha oldinda borishdi, ammo "Istiqlol" ikki daqiqa ichida ikkita gol urib, oldinga chiqib oldi. Shu tariqa, dushanbeliklar Superkubokni qo‘lga kiritishdi va bu sovringa to‘qqizinchi marta ega chiqdi.

Tojikiston superkubogi-2020
«Istiqlol» – «Xo‘jand» – 2:1
Gollar: Sanjar Rixsiboyev, 2 (0:1). Manuchehr Jalilov, 78 (1:1). Muhammadjon Rahimov, 80 (2:1).
«Istiqlol»: Rustam Yatimov, Tabrezi Davlatmir, Zoir Djuraboyev, Aleksey Larin, Marko Milich, Iskandar Jalilov (Muhammadjon Rahimov, 58), Viktor Svejov, Ehsoni Panjshanbe, Alisher Jalilov (Rustam Soirov, 76), Sheriddin Boboyev (Voxit Orazsaxedov, 58), Manuchehr Jalilov.
«Xo‘jand»: Ma’mur Ikramov, Manuchehr Safarov, Komron Mirzonajod, Baxtiyor Choriyev (Muhammadsharifi Saidxo‘ja, 76), Dilshod Bozorov, Oybek Abdug‘afforov, Xurshed Beknazarov, Siroj Hamroyev, Firdavs Chakalov (Alisher Barotov, 76), Sanjar Rixsiboyev (Fatxullo Fatxulloyev, 64), Abdulmo‘min Zabirov (Andrey Sidirov, 84).
Ogohlantirishlar: Ehsoni Panjshanbe («Istiqlol») — Firdavs Chakalov, Rustam Xo‘jayev («Xo‘jand»).