Bo‘m-bo‘sh stadionlar. To‘xtatilgan ligalar va Yevropa musobaqalari. Yevropa chempionatining bekor qilinishi va keyinga qoldirilishi. Kasallangan futbolchilar va murabbiylar.

Futbol tarixidagi eng global karantin.

Avvaliga bu xitoycha hazilga o‘xshardi. Bu juda uzoq joyda, biz bilan emas va bizgacha kelmaydi. Bu fitna, balki ba’zi mahalliy siyosiy o‘yinlar. Bu shunchaki o‘yin... Yo‘q, bu ommaviy tashvishga aylandi, bu futbolga ham o‘z imzosini qo‘ydi.

Bo‘sh stadionlardagi Chempionlar ligasining madhiyasi futbolga muhabbatni qo‘zg‘atdi. A seriyasining o‘yinlarini bekor qilish – xafagarchilik bilan, jimgina qabul qilindi.

O‘sha hafta, siz saytlarga ko‘zingiz tushganida faqat "to‘xtatilgan", "bekor qilingan", "yuqtirilgan", "tomoshabinsiz" so‘zlarini o‘qiy boshladingiz. Eng yomoni keyinroq sodir bo‘ldi, barcha ligalar to‘xtatildi. Arzimagan bir necha kun ichida. Qachondir kimdir sizga shunday bo‘ladi, desa, ishonarmidingiz? Yo‘q. Chunki bu ilojsizdek tuyilardi. Shunday shunday buyuk zot borki, Uning uchun imkonsiz narsaning o‘zi yo‘q.

Tinchlaning, tushuning. Endi odatlar va rejalarni o‘zgartiring. O‘rganish va yangicha yashash. Tongni mulohazalar bilan boshlamang, dam olish kunlari o‘yinlarni o‘tkazib yubormang, musiqaviy barlarda o‘tirmang va sharhlovchining ovoziga qo‘shilmang.

Ha, qiyin. Dunyoda hali juda ko‘p qiziqarli narsalar mavjud. Mazkur sukunatdan unumli foydalaning. O‘ylang, ko‘ring, tinglang, o‘qing. Kutib turing. Tushunish uchun. Tushunish uchun. Va keyin qaytib keling.

Va unutmang: hozir asosiysi odamlarning sog‘lig‘i va hayotidir. Qolganlari unchalik muhim emas. Hatto futbol ham.

U qaytib keladi. Bu shubhasiz. Vaqt o‘tib, hozirgi lahzalar bizga kichik anomaliya, g‘alati davr kabi tuyuladi.

Ha, hozir qiyin. Ammo futbol qaytgunicha g‘alati his-tuyg‘ularga toqat qilish maqsadga muvofiqdir. Keyin har bir kishi futbol o‘zi uchun nimani anglatishini o‘zi tushunadi.

Nizomjon ISLOMOV