"France Football" nashri 2019/20 yilgi mavsumda Fransiya chempionatining eng yaxshi futbolchilaridan tashkil topgan ramziy jamoani e’lon qildi.
Ushbu jamoaga futbolchilar mavsum davomida nashr tomonidan qo‘yib borilgan o‘rtacha baholar orqali tanlab olindi. "France Football" har bir o‘yinda kamida 45 daqiqa o‘ynagan o‘yinchini baholab boradi.
Demak, ramziy jamoadan «PSJ»ning 5 nafar, «Renn» klubining 3 nafar, «Reyms»ning 2 nafar «Monako» jamoasining bir nafar o‘yinchi o‘rin oldi.
"France Football" versiyasi bo‘yicha 2019/2020 yilgi mavsumning ramziy jamoasi:
Davrozabon: Predrag Raykovich («Reyms», o‘rtacha baho – 5,96)
Himoyachilar: Amari Traore («Renn», 5,41), Tiago Silva («PSJ», 5,75), Yunus Abdulhamid («Reyms», 5,64), Fetu Mauassa («Renn», 5,59).
Yarim himoyachilar: Marko Verratti («PSJ», 6), Eduardo Kamavinga («Renn», 6,13), Anxel Di Mariya («PSJ», 6,17).
Hujumchilar: Kilian Mbappe («PSJ», 6,35), Neymar («PSJ», 6,07), Vissam Ben-Yedder («Monako», 5,84).
