"France Football" нашри 2019/20 йилги мавсумда Франция чемпионатининг энг яхши футболчиларидан ташкил топган рамзий жамоани эълон қилди.

Ушбу жамоага футболчилар мавсум давомида нашр томонидан қўйиб борилган ўртача баҳолар орқали танлаб олинди. "France Football" ҳар бир ўйинда камида 45 дақиқа ўйнаган ўйинчини баҳолаб боради.

Демак, рамзий жамоадан «ПСЖ»нинг 5 нафар, «Ренн» клубининг 3 нафар, «Реймс»нинг 2 нафар «Монако» жамоасининг бир нафар ўйинчи ўрин олди.

"France Football" версияси бўйича 2019/2020 йилги мавсумнинг рамзий жамоаси:

Даврозабон: Предраг Райкович («Реймс», ўртача баҳо – 5,96)

Ҳимоячилар: Амари Траоре («Ренн», 5,41), Тиаго Силва («ПСЖ», 5,75), Юнус Абдулҳамид («Реймс», 5,64), Фету Мауасса («Ренн», 5,59).

Ярим ҳимоячилар: Марко Верратти («ПСЖ», 6), Эдуардо Камавинга («Ренн», 6,13), Анхель Ди Мария («ПСЖ», 6,17).

Ҳужумчилар: Килиан Мбаппе («ПСЖ», 6,35), Неймар («ПСЖ», 6,07), Виссам Бен-Йеддер («Монако», 5,84).