"Sassuolo" karantindan chiqib, mashg‘ulotlarga kirishganini e’lon qilgan A Seriyaning birinchi klubiga aylandi.

2 may kuni klub rasmiy veb-saytida futbolchilar 4 may, dushanba kunidan boshlab mashg‘ulotlarni qayta boshlashlari haqida rasmiy ma’lumot paydo bo‘ldi. Futbolchilarga maydonga ijtimoiy masofa qoidalariga muvofiq kirishga ruxsat etiladi, kiyim almashtirish xonasi, sport zallari kabilarga kirish taqiqlanadi.

Mashg‘ulot asosan individual bo‘lib, uchta mashg‘ulot maydonida bir soat davom etadi. Har bir maydonda bir vaqtning o‘zida 2 nafar futbolchi shug‘ullanadi — maydonning har yarmida bittadan. Ta’kidlanishicha, texnik xodimlar qatnashmaydi.