«Paxtakor» bosh murabbiyi Shota Arveladze niderlandiyalik murabbiy Lui van Gal qo‘ostidagi faoliyatini yodga oldi. Gruziya terma jamoasi sobiq futbolchisi 2005-2007 yillarda "AZ Alkmaar" safida Lui van Gal qo‘l ostida o‘ynagan.

Arveladze Gollandiya chempionati doirasida «Ekselsior»ga qarshi bahsda murabbiyga darvozabonsiz o‘ynashni taklif qilganini aytib o‘tdi

«Barcha darvozabonlarimiz jarohatlangan edi. Biz hafta davomida posbonlarsiz mashg‘ulot o‘tkazdik. Ularning o‘rniga himoyachi Steynsson va men darvozada turganmiz. Uchrashuvda darvozaga Steynssonni qo‘yishga qaror qilganmiz. Ammo o‘yin kuni bizga U19 jamoasi posbonini yuborishgan. Men Luiga: «Keling, darvozabonsiz o‘ynaymiz», degandim.

U esa: — «Jinni bo‘lganmisan?!»
— «Nima qilibdi, ertaga hamma biz haqimizda gapiradi».
— «Bu raqibga nisbatan hurmatsizlik».

Darvozamizda 18 yoshli yigit turgan bo‘lsa-da, biz 5:0 hisobida g‘alaba qozongan edik. «Ekselsior» darvozamiz tomon dastlabki aniq zarbani 67-daqiqada bergandi. O‘sha o‘yinni barcha tezda unutib yuborgan. Agar darvozabonsiz o‘ynaganimizda, shu paytgacha eslab yurishardi», — dedi Arveladze "Match TV"ga bergan intervyusida.