«Пахтакор» бош мураббийи Шота Арвеладзе нидерландиялик мураббий Луи ван Гал қўостидаги фаолиятини ёдга олди. Грузия терма жамоаси собиқ футболчиси 2005-2007 йилларда "АЗ Алкмаар" сафида Луи ван Гал қўл остида ўйнаган.

Арвеладзе Голландия чемпионати доирасида «Эксельсиор»га қарши баҳсда мураббийга дарвозабонсиз ўйнашни таклиф қилганини айтиб ўтди

«Барча дарвозабонларимиз жароҳатланган эди. Биз ҳафта давомида посбонларсиз машғулот ўтказдик. Уларнинг ўрнига ҳимоячи Стейнссон ва мен дарвозада турганмиз. Учрашувда дарвозага Стейнссонни қўйишга қарор қилганмиз. Аммо ўйин куни бизга U19 жамоаси посбонини юборишган. Мен Луига: «Келинг, дарвозабонсиз ўйнаймиз», дегандим.

У эса: — «Жинни бўлганмисан?!»
— «Нима қилибди, эртага ҳамма биз ҳақимизда гапиради».
— «Бу рақибга нисбатан ҳурматсизлик».

Дарвозамизда 18 ёшли йигит турган бўлса-да, биз 5:0 ҳисобида ғалаба қозонган эдик. «Эксельсиор» дарвозамиз томон дастлабки аниқ зарбани 67-дақиқада берганди. Ўша ўйинни барча тезда унутиб юборган. Агар дарвозабонсиз ўйнаганимизда, шу пайтгача эслаб юришарди», — деди Арвеладзе "Матч ТВ"га берган интервьюсида.