"Milan" himoyachisi Mateo Musakkyo bugungi "Yuventus"ga qarshi o‘yinni o‘tkazib yuboradi. Bu haqda Milan News yozmoqda.
Manbaning xabariga ko‘ra, Mateo chap oyoq bilagidan jarohat olgan. Musakkyoning qachon safga qaytishi ma’lum emas.
Ma’lumot uchun, "Milan" bugun, 12-iyun kuni Italiya kubogi yarim final javob uchrashuvida "Yuventus" bilan kuch sinashadi. Dastlabki o‘yinda jamoalar 1:1 hisobida durang o‘ynagan.