AGMK bosh murabbiyi Superliganing 4-turi doirasida bo‘lib o‘tgan "Qizilqum"ga qarshi o‘yin (1:0) borasida o‘z fikrini bildirib o‘tdi.

"Nihoyat 3 oylik tanaffusdan keyin ilk rasmiy o‘yinni o‘tkazdik. Hamma futbolni sog‘ingandi. Bu o‘yinga yaxshi tayyorgarlik ko‘rdik. Og‘ir o‘yin bo‘lishini bilgandik. Sababi, birinchidan, mehmonda to‘p tepdik. Ikkinchidan, karantin baribir o‘z ta’sirini ko‘rsatdi. Ya’ni 3 oy o‘yin amaliyotisiz qolib ketgandi jamoa.

Shunga qaramay yigitlarga rahmat, jamoam katta tanaffusdan keyin men xohlagan o‘yinni ko‘rsata oldi. O‘ylaymanki, haqli ravishda g‘alabaga erishdik. Shu tempda davom etsak, o‘yindan o‘yinga jamoamiz ijrosidagi futbol sifati o‘sadi. Yigitlar yomon taassurot qoldirishmadi. Fursatdan foydalanib, jamoa futbolchilariga minnatdorchilik bildiraman va qolaversa AGMK muxlislarini g‘alaba bilan tabriklayman", — dedi Mirjalol Qosimov.