13 iyun kuni «Dinamo» jamoasi qarorgohida klub rahbariyati ishtirokida yig‘ilish o‘tkazildi.

Unda Samarqand shahar hokimi, «Dinamo» PFK prezidenti Boburmirzo Obloqulov, Samarqand viloyat hokimi o‘rinbosari Rustam Qobilov, jismoniy tarbiya va sport boshqarmasi boshlig‘i Shuhrat Ro‘ziyev ishtirok etishdi. Yig‘ilishda tashkiliy masala ko‘rildi.

«Dinamo» klubi bosh menejeri lavozimida ishlab kelgan Ilhom Sharipov o‘z arizasiga binoan jamoa rahbarligini tark etdi.

Viloyat va klub rahbariyati tomonidan Uchqun Qobilov «Dinamo» PFK jamoasi boshlig‘i sifatida tanishtirildi.

«Dinamo» PFK jamoasi klubdagi faoliyati uchun Ilhom Sharipovga minnatdorchilik bildirib, uning keyingi faoliyatiga omad va zafarlar tilab qoladi.

Ma’lumot uchun, klub va viloyat rahbariyati «Dinamo» jamoasi bosh murabbiyligi uchun nomzod murabbiylar bilan muzokara olib bormoqda. Bu borada bir qarorga kelinsa, klub tomonidan e’lon qilinadi.

«Dinamo» PFK matbuot xizmati.