Angliya Premyer-ligasining 28-turidan o‘rin olgan, biroq keyinroqqa qoldirilgan uchrashuvda «Manchester Siti» «Arsenal»ni yirik hisobda mag‘lub etdi.

"Kanonirlar" bir bo‘lim davomida mezbonlarga qarshilik ko‘rsatishdi. Ammo taymga qo‘shib berilgan daqiqalarda David Luiz xatoga yo‘l qo‘yishi natijasida Sterling hisobni ochdi.

Ikkinchi bo‘lim boshida esa mazkur himoyachi maydondan chetlatildi. Belgilangan penaltini Kevin de Bryuyne aniq amalga oshirib, hisobdagi farqni oshirdi.

O‘yin so‘ngida esa Fil Foden "Siti"ning uchinchi to‘pini kiritib, o‘yin taqdirini hal qilib qo‘ydi.

Gvardiola jamoasi ushbu g‘alaba tufayli o‘z ochkolarini 60taga yetkazib, 2-o‘rindagi "Lester"dan 7 ochko oldinga o‘tib ketdi.

APL, 28-turning qoldirilgan o‘yini
Manchester Siti – Arsenal 3:0 (1:0)
Gollar: 1:0 – 45 Sterling, 2:0 – 51, penalti de Bryuyne, 3:0 – 90+1 Foden.
Manchester Siti – Ederson, Erik Garsiya, Uoker, Laport (Fernandinyo, 70), Mendi, Silva (Bernardu Silva, 65), de Bryuyne (Rodri Ernandes, 70), Marez (Foden, 65), Gyundogan, Sterling, Gabriel Jezus (Aguero, 80).
Arsenal – Leno, Mari (David Luiz, 24), Belyerin, Mustafi, Tirni, Uillok (Nelson, 67), Genduzi (Meytlend-Naylz, 67), Jaka (Sebalyos, 8), Obameyang, Nketia (Lyakazett, 67), Saka.
Ogohlantirishlar: Tirni (76), Rodri Ernandes (79).
Chetlatish: David Luiz (49).