"Napoli" va PSJ klublarining sobiq hujumchisi Edinson Kavani faoliyatini Portugaliya chempionatida davom ettiradi.
Mahalliy matbuotning xabariga ko‘ra, urugvaylik hujumchi "Benfika" bilan shartnoma imzolashga yaqin turibdi. Kavani "burgutlar" bilan 3 yillik shartnoma imzolaydi.
Eslatib o‘tamiz, hozirda Edinson erkin agent hisoblanadi. Uning xizmatiga shuningdek, "Atletiko" va "Lids" jamoalari ham qiziqish bildirayotgan edi.