«Nasaf» — «So‘g‘diyona» uchrashuvidan keyin qarshiliklar ustozi Ro‘ziqul Berdiyev bellashuv haqida o‘z fikrlarini bildirdi.

— Bugun uch ochkoni qo‘lga kiritdik. 3:0 hisobida g‘alaba qozonganimni ko‘rib xatolar bo‘lmagan deb o‘ylash mumkin. Ammo xatolar ko‘p bo‘ldi. O‘yinni yaxshi boshladik, vaziyatlar ham yaratdik. 2:0 hisobida oldinga o‘tib olgach, to‘p nazoratini yo‘qotdik. Lekin oxirida raqib ko‘proq hujumga e’tibor qaratgani tufayli uchinchi golni urishga erishdik.

— «Dinamo»ga ijaraga berilgan legioner Faysal Traore «Nasaf»ga qaytarildi. Kecha u U-21 jamoasida to‘liq harakat qildi. Uni qachon asosiy tarkibda ko‘rishimiz mumkin?
— Uni tayyorlab borayapmiz. Kecha U-21 jamoasida yomon o‘ynagani yo‘q. Hali yosh futbolchi, universal o‘ngda ham, chapda ham o‘ynay oladi, chap qanot himoyada ham harakat qila oladi. Undan keyingi o‘yinlarda foydalanishga harakat qilamiz.

— Avgust oyida Superliga klublarini o‘ziga xos «boksing dey» kutib turibdi. «Nasaf» har 3 kunda o‘yin o‘tkazishga tayyormi?
— Bugungi o‘yin ko‘rsatdiki, ikkala jamoada ham kamchiliklar bor. Chunki o‘yin tempi juda ham past bo‘ldi. Bu xuddi kichik bir turnirdek gap, maksimal darjada ochko to‘plashga harakat qilamiz.

— Klublarning Davlat aktivlarini boshqarish agentligiga o‘tishi va OCHLga lisenziya olishdagi muammo haqida eshitdingizmi? Bunga munosabatingiz qanday?
— O‘yindan tashqari savol ekan. To‘g‘risi bu savolga javobim yo‘q.