«Bavariya» hujumchisi Tomas Myuller Chempionlar Ligasi finalidan o‘rin olgan PSJga qarshi o‘yin oldidan o‘z fikrlari bilan o‘rtoqlashdi.

"Bugungi «Bavariya» men o‘ynagan eng yaxshi jamoa. Hozirgacha mavsumni deyarli a’lo darajada o‘tkazdik. Flik o‘yinimizni o‘zgartirdi, boshidanoq u bizdan shunday o‘yin talab qilgandi. Ko‘pchilik himoyaning yuqori chizig‘ini tushunmayapti, ammo bu bizga yordam bermoqda va bu o‘yinimizdagi muhim jihatlardan biri. Biz o‘z uslubimizni ko‘p ham o‘zgartirmoqchi emasmiz. PSJda tezkor hujumchilar bor – Neymar, Mbappe. Ammo agar ularga o‘ylashga vaqt bermasangiz, ular unchalik ham zo‘r emas. Ammo agar vaqt bo‘lsa, ular istalgan narsani qilishi mumkin", — dedi Tomas Myuller.

Eslatib o‘tamiz, «Bavariya» va PSJ o‘rtasidagi Chempionlar Ligasining hal qiluvchi o‘yini 23 avgust kuni soat 00:00 da (Toshkent vaqti) boshlanadi.