UzReport Pro liga uchrashuvlarini translyasiya qilayotganidan xabaringiz bor.
Kecha — 4 sentyabr kuni O‘zPFL UzReport bilan uchrashuv tashkil etdi. Unda musobaqaning navbatdagi tur o‘yinlarini translyasiya qilish uchun taqvim ishlab chiqildi va qaysi o‘yinlar to‘g‘ridan-to‘g‘ri efirga uzatilishi masalasi bo‘yicha kelishuvga erishildi. Xabaringiz bor, UzReport Yevropaning kuchli beshlikka kiruvchi chempionatlari uchrashuvlarini ham translyasiya qilish huquqiga ega. Shundan kelib chiqib, Pro liga taqvimi kuchli beshlik chempionatlari bilan bir vaqtga to‘g‘ri kelib qolmasligi masalasi muhokama qilindi.
Ta’kidlash lozim, hozirda Angliya, Italiya va Ispaniya kabi ligalarda ham pandemiya sabab taqvim to‘liq shakllanmagan va ularda ham taqvim bilan bog‘liq o‘zgarishlar yuzaga kelishi hisobga olingan. Shuningdek, ushbu chempionatlardagi markaziy o‘yinlar boshlanish vaqtlari tasdiqlangach, Pro liga o‘yinlar boshlanish vaqtlari shunga qarab belgilanadi. Deylik, Angliya chempionatidagi markaziy o‘yinlaridan biriga Pro liga uchrashuvi vaqti to‘g‘ri kelsa, u holda O‘zPFL UzReport bilan kelishgan holda Pro ligadagi o‘yin vaqtini o‘zgartiradi.
Hozircha, UzReport bilan kelishgan holda navbatdagi 3 ta tur o‘yinlari vaqti aniq. Undagi qaysi o‘yinlar to‘g‘ridan-to‘g‘ri olib ko‘rsatilishi quyida ko‘rsatilgan.
5-tur
6 sentyabr, yakshanba
17:15 SHO‘RTAN — XORAZM | Jonli efir
7 sentyabr, dushanba
16:15 ZOMIN — TURON | Jonli efir
17:00 OQTEPA — DINAMO
9 sentyabr, seshanba
16:30 ISTIQLOL — NEFTCHI | Jonli efir
6-tur
13 sentyabr, yakshanba
16:00 OQTEPA — SHO‘RTAN | Jonli efir
14 sentyabr, dushanba
17:00 DINAMO — TURON | Jonli efir
15 sentyabr, seshanba
16:15 NEFTCHI — ZOMIN
17:00 XORAZM — ISTIQLOL
7-tur
18 sentyabr, juma
17:00 SHO‘RTAN — DINAMO | Jonli efir
19 sentyabr, shanba
16:15 ZOMIN — XORAZM
20 sentyabr, yakshanba
16:15 ISTIQLOL — OQTEPA
21 sentyabr, dushanba
16:15 TURON — NEFTCHI
