Chempionlar Ligasida "Paxtakor" BAA jamoalariga qarshi 18 uchrashuvda maydonga tushgan.
18 bellashuvning 12tasida "Sherlar" g‘alaba qozonib, 3tadan o‘yinda durang va raqiblar muvaffaqiyati kuzatilgan. 31 to‘p kiritgan jamoamiz o‘z darvozasidan 16 gol o‘tkazib yuborgan. Toshkentda o‘tgan 9 bahsning 6tasida jamoamiz zafar quchgan, bir durang va ikki mag‘lubiyat qayd etilgan. Safardagi 9 bahsda ham "Paxtakor" ijobiy ko‘rsatkichlar qayd etgan: 6 g‘alaba, 2 durang va 1 mag‘lubiyat. Jamoamiz BAA klublariga qarshi to‘qnashuvlarda o‘ziga xos ijobiy tajribaga ega deb aytish mumkin.
Jamoamiz hozirga qadar BAA klublaridan "Ahli", "Vahda", "Ayn", "Baniyas", "Shabab", "Jazira" va "Nasr"ga qarshi uchrashuvlar bo‘lib o‘tgan. "Ahli" va "Shabab" birlashishidan avval o‘tkazilgan bahslarda "Paxtakor" 6 uchrashuvdan 5tasida zafar quchib, bir bor mag‘lubiyatga uchragan.
"Al Ahli": 3:2, 1:0, 2:0, 2:1
"Al Vahda": 4:0, 1:1
"Al Ayn": 1:0, 3:2, 0:1, 1:1
"Baniyas": 1:1, 0:2
"Al Shabab": 1:0, 1:2
"Al Jazira": 3:1, 3:0
"Al Nasr": 2:1
"Shabab Al Ahli": 2:1
