Ushbu ruknimizdagi eng so‘nggi yangiliklar bilan tanishtirishda davom etamiz.

“Arsenal” darvozabon oladi

Angliyaning “Arsenal” jamoasi «Dijon» kipperi Runar Runnarson bilan shartnoma imzolaydi.

Klub rasmiy saytining ma’lum qilishicha, «koninirlar» «Dijon»ga darvozabon uchun ikki million yevro to‘lab berishi lozim.

Eslatib o‘tamiz, islandiyalik Runar “Aston Villa” safiga o‘tib ketgan Emilio Martinesning o‘rnini egallashi ko‘zda tutilgan.

«Milan» uni nishonga oldi

Italiyaning «Milan» klubi transfer huquqi «Fulhem»ga tegishli bo‘lgan Andre-Frank Zambo bilan qiziqib qolgan.

“Goal” nashrining ma’lum qilishicha, «rossonerilar» o‘tgan mavsumni ijara asosida «Vilyareal»da o‘tkazgan yarim himoyachi bilan shaxsiy shartnoma borasida muzokaralar boshlagan.

Eslatib o‘tamiz, 24 yoshli kamerunlik futbolchi ortda qolgan mavsumda «La Liga»ning 36 ta o‘yinida maydonga tushdi va o‘z hisobiga 2 ta gol yozib qo‘ydi.

Xavi ortga qaytmoqda

«Bavariya» yarim himoyachisi Xavi Martines tez orada “Atletik Bilbao”ga qaytishi mumkin.

Klub rasmiy saytining ma’lum qilishicha, jamoa 32 yoshli futbolchi bilan shartnoma imzolashga juda yaqin turibdi.

Ma’lumotlarga qaraganda, “Atletik” Myunhen klubiga Martines uchun 10 million yevro to‘lab beradi.

Murich Ispaniyaga yo‘l oldi

Angliyaning «Manchester Siti» klubi darvozaboni Aridjanet Murich faoliyatini Ispaniyaning «Jirona» klubida davom ettirishi mumkin.

Transfermarket portalining ma’lum qilishicha, Murich o‘yin amaliyotiga ega bo‘lish maqsadida «tumanli albion»ni tark etishga qaror qilgan.

Eslatib o‘tamiz, «Jirona» ayni damda Ispaniyaning ikkinchi divizioni – Segundada faoliyat olib bormoqda.

«Milan» jiddiy kirishdi

Milanning «Milan» klubi Londonning “Arsenal” jamoasi bilan Lukas Torreyra borasida muzokaralar boshlamoqchi.

“Football Italy” nashrining ma’lum qilishicha, «rossonerilar» 24 yoshli futbolchini qo‘lga kiritish borasida «kononirlar»ga 15  million yevro taklif etmoqda.

Manbaning ma’lum qilishicha, Lukas Torreyra bilan «Roma» ham jiddiy qiziqib qolgan.