Ушбу рукнимиздаги энг сўнгги янгиликлар билан таништиришда давом этамиз.

“Aрсенал” дарвозабон олади

Aнглиянинг “Aрсенал” жамоаси «Дижон» киппери Рунар Руннарсон билан шартнома имзолайди.

Клуб расмий сайтининг маълум қилишича, «конинирлар» «Дижон»га дарвозабон учун икки миллион евро тўлаб бериши лозим.

Эслатиб ўтамиз, исландиялик Рунар “Aстон Вилла” сафига ўтиб кетган Эмилио Мартинеснинг ўрнини эгаллаши кўзда тутилган.

«Милан» уни нишонга олди

Италиянинг «Милан» клуби трансфер ҳуқуқи «Фулҳем»га тегишли бўлган Aндре-Франк Замбо билан қизиқиб қолган.

“Goal” нашрининг маълум қилишича, «россонерилар» ўтган мавсумни ижара асосида «Вильяреал»да ўтказган ярим ҳимоячи билан шахсий шартнома борасида музокаралар бошлаган.

Эслатиб ўтамиз, 24 ёшли камерунлик футболчи ортда қолган мавсумда «Ла Лига»нинг 36 та ўйинида майдонга тушди ва ўз ҳисобига 2 та гол ёзиб қўйди.

Хави ортга қайтмоқда

«Бавария» ярим ҳимоячиси Хави Мартинес тез орада “Aтлетик Билбао”га қайтиши мумкин.

Клуб расмий сайтининг маълум қилишича, жамоа 32 ёшли футболчи билан шартнома имзолашга жуда яқин турибди.

Маълумотларга қараганда, “Aтлетик” Мюнҳен клубига Мартинес учун 10 миллион евро тўлаб беради.

Мурич Испанияга йўл олди

Aнглиянинг «Манчестер Сити» клуби дарвозабони Aриджанет Мурич фаолиятини Испаниянинг «Жирона» клубида давом эттириши мумкин.

Трансфермаркет порталининг маълум қилишича, Мурич ўйин амалиётига эга бўлиш мақсадида «туманли албион»ни тарк этишга қарор қилган.

Эслатиб ўтамиз, «Жирона» айни дамда Испаниянинг иккинчи дивизиони – Сегундада фаолият олиб бормоқда.

«Милан» жиддий киришди

Миланнинг «Милан» клуби Лондоннинг “Aрсенал” жамоаси билан Лукас Торрейра борасида музокаралар бошламоқчи.

“Football Italy” нашрининг маълум қилишича, «россонерилар» 24 ёшли футболчини қўлга киритиш борасида «кононирлар»га 15  миллион евро таклиф этмоқда.

Манбанинг маълум қилишича, Лукас Торрейра билан «Рома» ҳам жиддий қизиқиб қолган.