Мадриднинг «Реал» клуби «Манчестер Юнайтед»нинг Орельен Тчуамени трансфери бўйича таклифини рад этди. Бу ҳақда Defensacentral хабар бермоқда.
Манбага кўра, «қизил иблислар» франциялик футболчи учун 120 миллион евро таклиф қилишган, аммо рад жавобини олишган. «Реал» Тчуаменини жамоада олиб қолишга ва у билан шартномани 2031-йилгача узайтиришга қарор қилди.
Ўтган мавсумда 26 ёшли Тчуамени барча мусобақаларда 49 та учрашувда иштирок этиб, иккита гол урган ва иккита голли узатмага муаллифлик қилган.
Орельен Тчуаменининг «қироллик клуби» билан амалдаги меҳнат шартномаси 2028-йилнинг июнига қадар мўлжалланган.
