Nike томонидан ишлаб чиқилган форма асосан оқ рангда бўлиб, унда ингичка қизил вертикал чизиқлар ҳамда ёқа ва енгларда кўк рангли деталлар мавжуд. Шунингдек, футболкага «Челси» 1990-йилларнинг бошларида ишлатган қалқон шаклидаги ретро клуб эмблемаси қайтарилган.
Клуб таъкидлашича, янги дизайн 1993 йилги «Челси»нинг сафар формасидан илҳомланган. Nike шу орқали лондонликларнинг Англия ва Европанинг етакчи клубларидан бирига айланишидан олдинги даврига ишора қилган.
Бундан ташқари, бу қарийб ўн йил ичида «Челси»нинг асосий ранги соф оқ бўлган биринчи учинчи формасидир. Жамоа бундан аввал бундай либосни 2016/17 йилги чемпионлик мавсумида кийган.
