Англиянинг икки гранди «ПСЖ» марказий ҳимоячиси Виллиан Пачони сотиб олиш имкониятини кўриб чиқмоқда. Бу ҳақда Bolavip хабар берди.

Манбага кўра, «Арсенал» ва «Манчестер Сити» яқинда «ПСЖ» билан шартномасини узайтирган 24 ёшли эквадорлик футболчига қизиқиш билдирмоқда. Таъкидланишича, Пачонинг Париж клубидаги маоши йилига 11 миллион еврони ташкил этади. Шу сабабли АПЛ грандлари трансферни амалга ошириш учун футболчига жозибадор маош таклиф қилишига тўғри келади.

Бу «Манчестер Сити» учун муаммо бўлмайди. «Арсенал»да эса вазият мураккаброқ, чунки «канонирлар» одатда бундай юқори маошларни таклиф қилмайди.

Жорий мавсумда Пачо барча мусобақаларда 6 та учрашувда майдонга тушиб, натижавий ҳаракатлари билан ажралиб турмади.