Angliyaning ikki grandi «PSJ» markaziy himoyachisi Villian Pachoni sotib olish imkoniyatini ko‘rib chiqmoqda. Bu haqda Bolavip xabar berdi.

Manbaga ko‘ra, «Arsenal» va «Manchester Siti» yaqinda «PSJ» bilan shartnomasini uzaytirgan 24 yoshli ekvadorlik futbolchiga qiziqish bildirmoqda. Ta’kidlanishicha, Pachoning Parij klubidagi maoshi yiliga 11 million yevroni tashkil etadi. Shu sababli APL grandlari transferni amalga oshirish uchun futbolchiga jozibador maosh taklif qilishiga to‘g‘ri keladi.

Bu «Manchester Siti» uchun muammo bo‘lmaydi. «Arsenal»da esa vaziyat murakkabroq, chunki «kanonirlar» odatda bunday yuqori maoshlarni taklif qilmaydi.

Joriy mavsumda Pacho barcha musobaqalarda 6 ta uchrashuvda maydonga tushib, natijaviy harakatlari bilan ajralib turmadi.