Кабо-Верде ҳимоячиси Роберто Лопес терма жамоага иш қидириш иловаси орқали қўшилганини тан олди – мамлакат футбол ассоциацияси у билан LinkedIn орқали боғланган.
Асли рландиялик бўлган футболчи (отаси Кабо-Вердеда туғилган) португал тилида хабар олган ва дастлаб спам деб ўйлаб, уни эътиборсиз қолдирган.
"Тўққиз ой ўтгач, улар менга яна хат ёзишди – бу сафар инглиз тилида ва Кабо-Вердеда ўйнаш таклифини кўриб чиқдимми, деб сўрашди. Шундан кейингина мен дастлаб қилишим керак бўлган ишни қилдим – асл хабарни Google Translate ёрдамида таржима қилдим. Бу ижтимоий тармоқлар орқали мулоқот қилишнинг жуда ғалати ёндашуви эди. Кейинчалик улар менга клубим билан боғланишда қийинчиликларга дуч келганликларини тушунтиришди. Мен учун бу имконият очиқ эканлигини англаганимда, бошиданоқ бу ғояни қўллаб-қувватладим. Ва биз барча керакли ҳужжатларни тўлдириш устида ишлай бошладик", деди Лопес.
Кабо-Верде 1/8 финалда қўшимча вақтда Аргентинага 3:2 ҳисобида мағлуб бўлганидан сўнг 2026 йилги Жаҳон чемпионатидан четлатилди.
