Мадриднинг «Реал» клуби яқин орада муҳим футболчи билан меҳнат шартномасини узайтиради. Бу ҳақда таниқли инсайдер Фабрицио Романо баёнот берди.
Шу билан бирга, журналист бўлажак келишув ҳақидаги маълумотлар ҳозирча ОАВга чиқмаганини таъкидлади.
«Реал» Испания Ла Лигасининг ўтган мавсумини иккинчи ўринда якунлади. Жамоа 38 турда 86 очко жамғариб, «Барселона»дан саккиз балл ортда қолди.
Жорий ёзда «қироллик клуби» раҳбарияти Альваро Арбелоа билан хайрлашиш ва бош мураббий лавозимига Жозе Моуриньони таклиф қилишга қарор қилди.
